انتقد أحمد شوبير حارس مرمى الأهلي ومنتخب مصر السابق طلب بعض جماهير النادي الأهلي قبل غلق باب القيد بسرعة التعاقد مع مدافع قوي جديد في مركز قلب الدفاع وذلك عقب الخسارة من يوروبا الإسباني في ثاني تجارب الفريق الودية بمعسكر إسبانيا.

وقال شوبير في تصريحات إذاعية: "الأهلي خسر 2-1 من فريق يوروبا الإسباني، وبعدها حد قال لك الأهلي لازم يجيب لاعيب أجنبي في مركز قلب الدفاع النهاردة والكلام ده قبل غلق باب القيد في مصر بـ 24 ساعة فقط، فالنهاردة أمتى حضرتك؟ وأنت عندك 5 أجانب أساسا، كمان أنت النهاردة هتضرب الأرض تجب لك لاعيب أجنبي".

وتابع شوبير: "قال لك طب بلاش أجنبي هات لاعب محلي، ما أنت جبت كل الأسماء الدفاعية في الدوري المصري، جبت عمرو الجزاء وجبت مصطفى العش وجبت ياسين مرعي وجبت هادي رياض وجبت على المين عمر كمال عبد الواحد وجبت كرم الدبيس ومشيت ورجعت أحمد رمضان بيكهام ورجعت محمد شكري ومشيته تاني وجبت أحمد عيد وأفضل أجيب لك أسماء ما أنزل الله بها من سلطان".

وأضاف شوبير: "ده غير يوسف بلعمري وقبله يحيي عطية الله، فيه إللي قعد سنة وإللي قعد 6 شهور واللي كمل واللي مكملش فالقصة صعبة".