كشف الإعلامى أحمد شوبير حارس مرمى الأهلى ومنتخب مصر السابق عن تطورات جديدة فى ملف تجديد الدولى المالى أليو ديانج مع النادى الأهلى.

وقال أحمد شوبير فى تصريحات إذاعية اليوم الإثنين: «الأهلى مستنى عودة اليو ديانج من معسكر منتخب بلاده لكى يتحدث معه وبقول لكم ودى معلومات مؤكدة ديانج عنده عروض خليجية كثيرة منها عرض سعودى كبير جدا».

وتابع شوبير: «فى الأهلى عايزين يجددوا لديانج لكن لن يسمحوا إن الملف يطوّل هو هيرجع من السفر وليد صلاح هيقعد معاه بتكليف من مجلس إدارة النادى وهيقول له ده عرضنا أنت عايز ولا لأ عايز نقعد نتفاوض مش عايز قول وعرفنا».

وأوضح شوبير: «لإن ديانج عنده عرض قوى جدا موجود دلوقتى فلو عايز يستنى لأخر السنة وقرر يمشى الأهلى هيقول له توكل على الله من دلوقتى وأنت تستفيد والنادى يستفيد والموضوع خلصان يعنى، لو عايز تكمل إحنا عايزينك تكمل ومرحبين وأنت لاعيب أساسى ولا غنى عنك فى الفريق».

وأضاف شوبير: «بناء على هذا الكلام سيتحدد موقف حامد حمدان مع الأهلى، أيوه أنت سمعت صح حامد حمدان، وبكلم جد والله ودى معلومات مؤكدة على فكرة هو كان بيلعب فى الأهلى زمان، عموما هنشوف الدنيا ماشية إزاى يعنى هو فيه تمسك من الأهلى بأليو ديانج إلا لو كان لديانج رأى آخر».