علق الإعلامي أحمد شوبير حارس مرمى الأهلي ومنتخب مصر السابق على عودة حسام عاشور من جديد إلى النادي الأهلي في منصب جديد.

وقال أحمد شوبير في تصريحات إذاعية اليوم الإثنين: "فاكرين زمان لما قولت لكم إن حسام عاشور هيعود للنادي الأهلي، هو بالفعل رجع وبقى مدير أكاديمية النادي الأهلي في فرع التجمع الخامس".

وتابع أحمد شوبير: "أنا مش بحب أحكام الإعدام ما هو أنا هغلط وده طبيعي فمش من أول غلطة يتحكم عليّ بالإعدام خاصة وأنا كابتن النادي الأهلي التاريخي وأكثر من لعب مباريات وحمل كؤوس وفي النهاية هى غلطة وهو معترف إنها غلطة".

وأوضح شوبير: "في النهاية هديت النفوس ورجع حسام عاشور للنادي الأهلي ده الطبيعي وده ليس له علاقة بأصل قيم الأهلي فين والمباديء فين، قيم الأهلي إللي غلط يتعاقب مش يتحكم عليه بالإعدام والتسامح الأديان كلها بتدعو له والأخلاق العالية أيضًا، والحمد لله إن الأمور مشيت كده ووصلت لهذا الحد وتمشي بشكل كويس الفترة اللي جاية إن شاء الله".