انتقد النجم أحمد نبيل كوكا، لاعب الفريق الأول لكرة القدم بالنادي الأهلي، مساء اليوم الأربعاء، التصوير في عزاء والد محمد الشناوي حارس مرمى المارد الأحمر.

كتب كوكا عبر حسابه الشخصي على «إنستجرام»: «يا أخي بالله عليكم بطلوا تصوروا حد في عزا كفايا بقى ده مش شغل متقولش بعمل شغلي، هل انت تكون راضي ولدك ولا والدتك متوفيين وتشوف قدامك 50 واحد بيصوروك وانت في موقف زي ده؟».

وأضاف: «دي حاجة صح يعني أو ده شغل يا أخي اعتبر مفيش عزا مفيش حد مات ومتروحش، حط نفسك مكان اللي في الموقف الصعب ده، هل اليوم ده لو مصورتش هيحصلك حاجة».

كما تابع: «المناظر وكميات التليفونات والتصوير في المواقف دي بقت مرعبة والله، طب فكر كده لو انت ربنا يديك الصحة ربنا افتكرك هتحب الناس تصور في العزا بتاعك ولا يقفوا يدعولك».

واختتم: «في حاجات محتاجة نفكر فيها وتخلي عندك دم وميبقاش كل هدفك الريتش والترند مش هينفعوك بحاجة».

إقرأ المزيد